Tez-tez verilən suallar

Şikayət olmasa belə, profilaktik müayinə ildə ən azı bir dəfə aparılmalıdır. Bundan əlavə, aşağıdakı hallarda müayinəni gözlətməyin: aybaşı tsiklində davamlı pozulma, qeyri-adi ifrazat, qarın və ya çanaq nahiyəsində ağrı, tsikldən kənar qanaxma, hamiləlik planlaması və ya hamiləlik şübhəsi.

Qəbula öncədən yazılmaq lazımdır. +994 70 490 32 72 nömrəsinə zəng edə və ya WhatsApp vasitəsilə yaza bilərsiniz.

Sabunçu Tibb Mərkəzi — 09:00–16:00. International 2 Klinikası — 16:00–17:00 (Bakı, Nərimanov rayonu, Aşıq Molla Cümə küçəsi 11B).

Əlinizdə olan əvvəlki analiz və USM nəticələrini, qəbul etdiyiniz dərmanların siyahısını və son aybaşının tarixini özünüzlə gətirin. Bu məlumatlar müayinəni daha dəqiq edir.

Standart qrafikdə üç əsas müayinə var: 11–13+6 həftə (DNT, birinci skrininq), 18–22 həftə (anomaliya USM-i) və 28–32 həftə (üçüncü trimestr USM-i). Əlavə olaraq 6–8 həftədə hamiləliyin təsdiqi, 36–38 həftədə isə doğuş öncəsi qiymətləndirmə aparıla bilər.

Tam qrafikə baxın →

Gündəlik 3–3,5 litr su məsləhət görülür. Su içməkdə çətinlik çəkirsinizsə, yanınızda şüşə saxlayıb yudumlamağa cəhd edin — bu üsul mədədə şişkinlik və toxluq hissinin qarşısını alır.

Normada 40 həftə ərzində bədən kütləsi 9–12 kq artır. Bundan yuxarı göstəricilər qidalanmanın pozulması, gecikmiş toksikoz, böyrək patologiyaları və ya şəkərli diabetdən xəbər verə bilər və nəzarət tələb edir.

Bəli — bu həftədə döl uşaqlığın içində görünməlidir. Ürək döyüntüsü isə hələ qeydə alınmır; bu normaldır və bir neçə gün sonra təkrar yoxlanılır.

İlk trimestr haqqında ətraflı →

Ən çox 6–7-ci həftələrdə rast gəlinir, 8-ci həftədə isə daha güclü ola bilər. Bununla belə bu, fərdidir — bəzi pasiyentlərdə 4–5-ci həftədə başlayır.

Ən çox hormonal səbəbdən — progesteron çatışmazlığından yaranır. Travma və iltihabi proses də səbəb ola bilər. Müalicənin əsası ciddi yataq rejimidir; buna progesteron dəstəyi (adətən 12–13-cü həftəyə qədər) və cinsi əlaqədən çəkinmək əlavə olunur.

Hematoma haqqında ətraflı →

Hamilələrin immuniteti zəif olduğu üçün ümumiyyətlə çiy qidalar yeməmək lazımdır. Tamamilə imtina etmək şərt deyil — bişmiş suşi daha təhlükəsiz seçimdir.

Hamiləlik zamanı immun sistemi qismən zəifləyir — bu, hamiləliyin saxlanması üçün təbii bir mexanizmdir. Nəticədə infeksion və soyuqdəymə xəstəliklərinə meyil artır, bəzi qadınlarda göbələk infeksiyası oyanır, xroniki xəstəliklər kəskinləşə bilər.

Hematomaların hamısı eyni dərəcədə təhlükəli deyil. Ölçü, yerləşmə və hamiləliyin həftəsi nəzərə alınaraq bəziləri sadəcə nəzarət tələb edir, bəziləri isə müalicə. Qiymətləndirmə USM ilə aparılır.

Əsl sancılar ritmli olur: aralarındakı müddət əvvəlcə 30–20 dəqiqə, sonra 10 dəqiqə olur. Sancılararası müddət 10 dəqiqəyə enəndə doğum evinə gedin. Qanaxma olarsa və ya dölətrafı maye axarsa, sancıları gözləmədən birbaşa doğum evinə yollanın.

Hər hal ayrıca dəyərləndirilir: əvvəlki əməliyyatın səbəbi, çapığın vəziyyəti, hamiləliyin gedişi və körpənin ölçüsü nəzərə alınır. Qərar müayinə və USM nəticələri əsasında birlikdə verilir.

Universal cavab yoxdur. Keysəriyyə təbii doğuşun riskli olduğu hallarda həyat qurtarıcı ola bilir, doğuş yollarının travmasının qarşısını alır və daha qısa çəkir. Təbii doğuş isə uyğun hallarda bərpanı asanlaşdırır. Seçim hamiləliyin gedişi və müayinə nəticələri ilə müəyyən edilir.

Spiral uzunmüddətli və təhlükəsiz qorunma üsuludur; çıxarıldıqdan sonra məhsuldarlıq bərpa olunur. Uyğunluq fərdi müayinə ilə müəyyən edilir.

Xeyr. Polip sözü narahatlıq yaratsa da, bütün poliplər təhlükəli deyil. Əsas olan onların hansı hallarda diqqət tələb etdiyini vaxtında müəyyən etməkdir — bunu müayinə və USM aydınlaşdırır.

Hər bir qadının ildə ən az bir dəfə PAP-smear və HPV testindən keçməsi tövsiyə olunur. HPV çox vaxt simptomsuz keçir və yalnız rutin müayinədə aşkar olunur.

9 yaşdan 45 yaşa qədər qadın və kişilər üçün. Ən yüksək qoruma cinsi həyata başlamamış şəxslərdə əldə olunur, lakin cinsi aktiv qadınlara və HPV pozitiv olanlara da tətbiq edilir — çünki peyvənd digər tiplərdən qoruyur.

Bir il ərzində müntəzəm qorunmamış cinsi əlaqələr hamiləliklə nəticələnməyibsə, bu sonsuzluq kimi qiymətləndirilə bilər. Müntəzəm aybaşısı olmayan və 35 yaşdan yuxarı qadınlar artıq 6 aydan sonra müraciət etməlidirlər.

Qız uşaqlarında soyuq yerdə oturmaq özlüyündə xəstəlik yaratmır. Ailə qurduqdan sonra isə, əgər cinsi yolla keçən infeksiya varsa, soyuq onun daha aktiv simptomlarla özünü göstərməsinə şərait yarada bilər.

Bu, mifdir — spesifik infeksiyalar hovuzdan sidik-cinsiyyət orqanlarına keçmir. Sadəcə, qadın orqanizmində mövcud olan göbələk nəm və yaş şəraitdə aktivləşə bilər.

Xeyr, cavan qadınlarda da rast gəlinir. Ən çox təbii doğuşdan sonra müşahidə olunur, lakin bəzən cavan yaşda keysəriyyə ilə doğan pasiyentlərdə də görünür.

Üç analizdən: aybaşının üçüncü günündə AMH (yumurta rezervi), yoldaşın spermoqramma analizi, və hər ikisi yaxşı çıxarsa — uşaqlıq borularının yoxlanması.

Sonsuzluq bölməsinə keçin →

Aybaşı tsikli 28–35 gün arasında dəyişir. Ovulyasiya aybaşının ilk günündən hesablanmaqla 11–21-ci, orta hesabla 14-cü gündə baş verir. Hamilə qalmaq ehtimalı bu dövrdə artır.